Saturday, February 21, 2009

Monday, May 12, 2008

തിരുവനന്തപുരം ബ്ലോഗ് ശില്പശാലയില്‍ പങ്കെടുക്കുക

തിരുവനന്തപുരം പ്രസ് ക്ലബില്‍ നടക്കുന്ന ബ്ലോഗ് ശില്പശാലയില്‍ (മലയാളം ബ്ലോഗേഴ്സല്ലാത്തവര്‍ക്ക് ബ്ലോഗിങ്ങിന്റെ പ്രാഥമിക കാര്യങ്ങള്‍ ലളിതമായി നേരില്‍ പരിചയപ്പെടുത്തുന്ന ശില്‍പ്പശാലകളിലൂടെ ബ്ലോഗിങ്ങ് പ്രചരിപ്പിക്കുകയാണ് ബ്ലോഗ് അക്കാദമിയുടെ പ്രവര്‍ത്ത പരിപാടി) തിരുവനന്തപുരം ബ്ലോഗേഴ്സ് ഗ്രൂപ്പിലെ അംഗങ്ങളും പങ്കെടുക്കുന്നു. ബ്ലോഗ് അക്കാഡമി സംഘടിപ്പിക്കുന്ന ബ്ലോഗ് ശില്പശാല പുതുതായി ബ്ലോഗ് തുടങ്ങുന്നവരെ സഹായിക്കുക എന്ന ലക്ഷ്യത്തോടെയുള്ള ഒരു ഗ്രൂപ്പാണ്. പങ്കടുക്കുവാന്‍ താല്പര്യമുള്ള തിരുവനന്തപുരം ബ്ലോഗേഴ്സ് ഗ്രൂപ്പിലെ അംഗങ്ങള്‍ ഇവിടെ കമെന്റ് രേഖപ്പെടുത്തുമെന്ന് പ്രതീക്ഷിക്കുന്നു.

Wednesday, April 16, 2008

തിരുവനന്തപുരത്തുകാരൊക്കെ ഉറങ്ങിപ്പോയൊ?



ശ്രീപത്മനാഭനെ ഒരിക്കലെങ്കിലും വണങ്ങാത്ത അനന്തപുരിക്കാരുണ്ടാവുമെന്നു തോന്നുന്നില്ല.
ഐശ്വര്യത്തിന്റെയും പ്രതാപത്തിന്റെയും തലയെടുപ്പോടെ തിരുവനന്തപുരം നഗരിയില്‍ സ്ഥിതിചെയ്യുന്ന ഈ ക്ഷേത്രം
തിരുവിതാം കൂര്‍ രാജകുടുംബത്തിന്റെ നേരിട്ടുള്ള ഭരണത്തിലായിരുന്നു ഇതുവരെയും ഇപ്പോഴും.. ഇനി അതു സര്‍ക്കാരിലേയ്ക്ക്
“കണ്ടുകെട്ടാന്‍ “ നിയമകാര്യ സെക്രട്ടറി ശുപാര്‍ശ ചെയ്തതായി ഇന്നലെ വാര്‍ത്ത കണ്ടു..
ഒരു തിരുവനന്തപുരത്തു കാരന്‍ എന്നതിലുപരി ഹൈന്ദവവിശ്വാസങ്ങളില്‍ അടിയുറച്ചു വിശ്വസിക്കുന്ന ഒരാളെന്ന നിലയില്‍ ഇതു ഉള്‍ക്കൊള്ളാന്‍ എന്റെ മനസ്സനുവദിക്കുന്നില്ല. കാരണം ഇപ്പോഴത്തെ ഇടതു സര്‍ക്കാരിന്റെ ആരാധനാലയങ്ങളോടുള്ള പല നടപടികളും അത്തരത്തിലായതുകൊണ്ട് തന്നെ.

ക്ഷേത്രത്തിനകത്ത് (വിഗ്രഹത്തിലുള്‍പ്പെടെ) അനേകം തോല സ്വര്‍ണ്ണത്തിന്റെ ശേഖരം ഉണ്ടെന്ന് മതിലകം രേഖകളില്‍ നിന്നും മനസ്സിലാക്കിയ അന്നു മുതല്‍ തുടങ്ങിയതാണ്‍ സര്‍ക്കാരിന്റെ ചൊറിച്ചില്‍.. ഭംഗിയായി നടന്നു പോരുന്ന ആരാധനാലയങ്ങളെ മനപ്പൂര്‍വ്വം തകര്‍ക്കാനുള്ള സര്‍ക്കാരിന്റെ ഗൂഡ ശ്രമമായി മാത്രമെ ഇതിനെയും കാണാനാവൂ..

രാജഭരണം അവസാനിച്ചശേഷം തിരുവിതാംകൂര്‍ രാജകുടുംബത്തിലേയ്ക്കുള്ള പ്രിവിപഴ്സ് നിര്‍ത്തലാക്കി കൊണ്ടുള്ള കമ്മ്യൂണിസ്റ്റ്
സര്‍ക്കാരിന്റെ ഉത്തരവ് പഴയ തലമുറയില്‍ പെട്ടവര്‍ ഓര്‍ക്കുന്നുണ്ടാകും.. രാജ ഭരണത്തെ അളവറ്റ് സ്നേഹിച്ച ജനതയ്ക്ക് അന്ന് സഹിക്കാവുന്നതിലും അപ്പുറമായിരുന്നു ഈ നടപടി.. ഇപ്പോഴിതാ കൊട്ടാരത്തിലെ അധികാരത്തില്‍ നിന്നും ക്ഷേത്രം പിടിച്ചു പറിയ്ക്കാന്‍ പോകുന്നു.. ഇനി അവിടെ ആരാധനയൊന്നും വേണ്ട നഗരിയില്‍ ഇത്രേം സ്ഥലം എന്തിനാ വെറുതെ കളയണേ അവിടെ ഷോപ്പിം മാലുകള്‍ പണിയാം എന്നൊക്കെ സര്‍ക്കാര്‍ തീരുമാനിച്ചാല്‍ അനന്തപുരിക്കാര്‍ കൈയും കെട്ടി നോക്കി നില്‍ക്കണോ?.

ഈ കഴിഞ്ഞ ദിവസം വായിച്ചു ശബരിമലയില്‍ തിരക്കു കാരണം രണ്ട് പൂജകള്‍ വേണ്ടാന്നു വച്ചൂന്ന്.... ഇങ്ങിനെയൊരു സംഭവം ഇതുവരെ കേട്ടിട്ടുപോലുമില്ലാത്തതാ‍ണ്. ഈ കണക്കിന് പദ്മനാഭസ്വാമിക്ഷേത്രവും “പിടിച്ചെടുത്തിട്ട്” അവിടെയ്ക്ക് രജകുടുംബത്തില്‍ നിന്നും ഇപ്പോള്‍ നല്‍കുന്ന മാസപ്പടി പാര്‍ട് ടി ഫണ്ടിലേക്ക് അടയ്ക്കാന്‍ ഉത്തരവിട്ടാലും അതിശയിക്കാനില്ല!..കൂടാതെ ആറു വര്‍ഷത്തിലൊരിക്കല്‍ നടക്കുന്ന അന്‍പത്തിയാറു നാള്‍ നീണ്ടു നില്‍ക്കുന്ന “മുറജപം” എന്ന ചടങ്ങും ഖജനാവില്‍ കാശില്ലാത്തതു കൊണ്ട് വേണ്ടാന്നും വയ്ക്കും...

സര്‍ക്കാരിന്റെ ഈ നടപടിയില്‍ പ്രതിഷേധിക്കുവാന്‍ ആരെങ്കിലുമൊക്കെ ഉണ്ടാവുമോ?.

Sunday, November 11, 2007

തിരുവനന്തപുരത്തുകാര്‍ക്ക് വേണ്ടി ഒരു പ്രത്യേക അറിയിപ്പ്



ഇന്നത്തെ കേരളകൗമുദി വാര്‍ത്ത പി.ഡി.എഫ് ഫയലായി കാണുക.
തിരുവനന്തപുരത്തുകാരായ 2000 ത്തില്‍ക്കൂടുതല്‍ ബ്ലോഗര്‍മാര്‍ ഉണ്ട്. അതില്‍ പലരും മലയാളം അറിയാമായിരുന്നിട്ടും നമ്മോടൊപ്പം ഇല്ലാത്തവരാണ്. അവരുടെ പ്രൊഫൈലുകള്‍ സൈഡ്ബാറില്‍ തെരയേണ്ടവ എന്ന തലക്കെട്ടോടെ ചേര്‍ത്തിട്ടുള്ളതാകുന്നു. അവരില്‍ താല്പര്യമുള്ളവരെ മലയാളത്തിലേക്ക് കൂട്ടിക്കൊണ്ടുവരേണ്ട ചുമതല നമുക്ക് ഓരോരുത്തര്‍ക്കും ഉണ്ട്. അതിനാല്‍ അവരുടെ പ്രൊഫൈലുകളില്‍ കമെന്റുകള്‍ രേഖപ്പെടുത്തിയോ മെയിലുകള്‍ അയച്ചോ അവര്‍ക്കുകൂടി സഹകരിക്കുവാന്‍ അവസരം ലഭ്യമാക്കണം എന്നും പ്രസതുത വിഷയത്തില്‍ തിരുവനന്തപുരത്തുകാരുടെ സഹായ സഹകരണങ്ങള്‍ ഉണ്ടാകുമെന്നും പ്രതീക്ഷിക്കുന്നു.
അടുത്തതായി നടത്തുവാന്‍ ഉദ്ദേശിക്കുന്ന "ബ്ലോഗേഴ്സ് കാമ്പ് -2008" ആംഗലേയത്തില്‍ ബ്ലോഗ് ചെയ്യുന്നവരെക്കൂടി ഉള്‍പ്പെടുത്തി സാങ്കേതികജ്ഞാനം കൂടി കൈമാറുന്ന വിപുലമായ ഒരു പരിപാടിയായി നടത്തുവാന്‍ ഉദ്ദേശിക്കുന്നു. നിങ്ങളുടെ വിലയേറിയ അഭിപ്രായങ്ങളും നിര്‍ദ്ദേശങ്ങളും രേഖപ്പെടുത്തുമെന്ന് വിശ്വസിക്കുന്നു.
Join: Trivandrum Bloggers Group

Saturday, November 10, 2007

ഇന്ന് തിരുവനന്തപുരം ബ്ലോഗേഴ്സ് മീറ്റ്

തിരുവനന്തപുരം ബ്ലോഗേഴ്സ് 9 നും 9.15 ഇടയില്‍ മസ്കറ്റ് ഹോട്ടലിന് മുന്‍വശം ഒത്തുചേരുന്നു.


ഇന്‍ഡ്യന്‍ സമയം 9.30 മുതല്‍ അങ്കിളിന്റെ വീട്ടില്‍ നിന്നുള്ള വിശേഷങ്ങള്‍ക്കായി വീണ്ടും വരിക.

പങ്കെടുക്കുന്നവര്‍ക്കും മീറ്റ് വിശേഷങ്ങള്‍ ആരായുന്നവര്‍ക്കും ഈ പോസ്റ്റിലേക്ക് സ്വാഗതം.



മീറ്റില്‍ പങ്കെടുത്തവര്‍:



നില്‍ക്കുന്നവര്‍ ഇടത്തു നിന്നും- രഞ്ജിത്ത് (കേരളാ ഫാര്‍മറുടെ മകന്‍), ഡോ. സുജയ്, പ്രതീഷ്(ഞാന്‍), സന്തോഷ്(പൊന്നമ്പലം), ആദര്‍ശ്, രാജേഷ് ചന്ദ്രന്‍, ആ‍ന്റണി ബോബന്‍(ആന്റ്), ഹരികുമാര്‍ (ഹാകു). ഇരിക്കുന്നവര്‍- അങ്കിള്‍, കേരളാ ഫാര്‍മര്‍.

പ്രിന്‍സ്

Friday, November 09, 2007

ആശംസകള്‍

ചെന്നെയില്‍ ആയതിനാല്‍ കൂടുവാന്‍ കഴിയുന്നില്ല.
എല്ലാ ഭാവുകങ്ങളും!
മീറ്റിന്റെ വിശേഷങ്ങള്‍ പ്രതീക്ഷിക്കുന്നു.

തിരുവനന്തപുരം ബ്ലോഗേര്‍സ്‌ മീറ്റ്‌ - നവംബര്‍ 10 ന്


നാളത്തെ ബ്ലോഗേര്‍സ്‌ മീറ്റിന്റെ വിശദ വിവരങ്ങള്‍ ഇന്നത്തെ കേരളകൌമുദിയുടെ സപ്ലിമെന്റില്‍ പ്രസിദ്ധീകരിച്ചിരിക്കുന്നു. കേരള കൌമുദിക്ക്‌ നന്ദി.

വരാമെന്നേറ്റിട്ടുള്ളവര്‍ കേരളാ ഫാര്‍മാറെയോ, അങ്കിളിനേയോ ബന്ധപ്പെടേണ്ടതാണ്.

സ്വന്തവാഹനം കൊണ്ടുവരാത്തവര്‍ യൂണിവേര്‍സിറ്റി സ്റ്റേഡിയത്തിന്റെ പ്രധാന ഗേറ്റില്‍ (മാസ്കറ്റ് ഹോട്ടലിന് മുന്‍ വശം) 9.15 ന് മുമ്പ്‌ വന്നു ചേരേണ്ടതാണ്.
നിങ്ങള്‍ക്ക്‌ വേണ്ടി, മാരുതി സെന്‍ KL 01 P 978 അവിടെ എത്തുന്നതായിരിക്കും. - അങ്കിള്‍.
മറ്റൊരു വാഹനം, മാരുതി സെന്‍ KL 01 H 8062 ഉണ്ടായിരിക്കുന്നതാണ്. - കേരളഫാര്‍മര്‍

Tuesday, October 30, 2007

തിരുവനന്തപുരം ബ്ലോഗേഴ്സ് മീറ്റ് 2007 നവംബര്‍ 10 ന്

ബ്ലോഗുകള്‍ പ്രസിദ്ധീകരിക്കുന്നവര്‍ മാത്രമല്ല വായനക്കാര്‍ക്കും പങ്കെടുക്കാം. പങ്കെടുക്കുവാന്‍ താല്പര്യമുള്ളവര്‍ പേര് രജിസ്റ്റര്‍ ചെയ്യുക. അതിലേയ്ക്കായി കമെന്റുകള്‍ രേഖപ്പെടുത്തുക.
സമയം- രാവിലെ 9.30 ന് സ്ഥലം- അങ്കിളിന്റെ വീട് ഒത്തുചേരല്‍- 9 മണിമുതല്‍ 9.15 മണിവരെ മസ്കറ്റ് ഹോട്ടലിന് സമീപം ട്രാന്‍സ്പോര്‍ട്ട്- വാഹന സൗകര്യം ഏര്‍പ്പാടാക്കുന്നതാണ്
ബന്ധപ്പെടല്‍- കേരളഫാര്‍മര്‍ 9495983033 അങ്കിള്‍
9349460822
അറിയിപ്പ്- പങ്കെടുക്കുന്നവര്‍ വെള്ളിയാഴ്ച മേല്‍ക്കാണുന്ന നമ്പരില്‍ ഏതെങ്കിലും ഒരെണ്ണത്തില്‍ ബന്ധപ്പെടേണ്ടതാണ്.

പങ്കെടുക്കുന്നവര്‍
  1. പൊന്നമ്പലം
  2. കേരളഫാര്‍മര്‍
  3. അങ്കിള്‍
  4. രാജിചന്ദ്രശേഖര്‍
  5. ഞാന്‍
  6. ഉറുമ്പ് /ANT
  7. വി.കെ.ആദര്‍ശ്
  8. ഏറനാടന്‍
  9. സുകുമാരപുത്രന്‍
  10. വക്രബുദ്ധി
  11. Hari Kumar
  12. കുട്ടു |kuttu
  13. ശിവകുമാര്‍ ആര്‍.പി
  14. അനാമി
  15. PRINSON
ബന്ധപ്പെടുക- 9495983033 (കേരളഫാര്‍മര്‍), 9349460822 (അങ്കിള്‍)
ഈ ബ്ലോഗില്‍ ആശംസകള്‍ നേര്‍ന്നവരോടും തിരുവനന്തപുരം ബ്ലോഗേഴ്സ് മീറ്റ് വിജയകരമായി നടത്തുവാന്‍ പങ്കെടുക്കാമെന്ന് സമ്മതം അറിയിച്ചവരോടും ഇനിയും പങ്കെടുക്കാന്‍ ലോകമെമ്പാടുനിന്നും തയ്യാറാകുന്നവരോടും തിരുവനന്തപുരം ബ്ലോഗേഴ്സിന്റെ പേരില്‍ നന്ദി രേഖപ്പെടുത്തുന്നു. ഓരോ കമെന്റിനും മറുപടി ഇടുന്നതിന് പകരമായി ഈ വരികള്‍ പരിഗണിക്കും എന്ന് വിശ്വസിക്കുന്നു.
Join:- തിരുവനന്തപുരം ഓര്‍ക്കൂട്ട് കമ്യൂണിറ്റി